بسم الله الرحمن الرحيم
السفر بالسياره متعب ومرهق جدا
وياخذ مصاريف لها أول مالها تالي
لوسفرتكم عائليه
فلازم تاخذ تجهيزاتك كامله مكمله
من شبسات ومعمول
وعصيرات وحلويات وحليب منوع
والدرب يبي له فستق ولوز
اتطقطق فيهم
علشان لاتنعس وتغفي وإنت اتسوق
ويبيلكم كم صندوق
مائ وبيبسيات وعصيرات لزوم الزرط
ويبيلكم قهوه وكرك وشاي
علشان اتصحصحون ومااتدعمون خلق الله ههه
ومااتطقون روس من الدوخه والشوارع وزحمتها
ويبيلكم غدا عند كل محطه
أوعند كل مطعم يصادفكم الظهر والعصر
ويبيلكم مطاعم للعشا رايح جاي
ويبيلكم ريوقات
وترويقة مطاعم طول الخط
ويبيلكم إما
1)جراكن مائ للوضوء
2)أواتعبون بخاخات واتوضون منها
3)أوبطولة مائ صحه للوضوء
4)أواتيممون على يسار الخط ويمينه
ويبيلكم بساط ومراكي
تستريحون فيها كم ساعه من شعث الدرب وخطوطه
ويبيلكم خيمه بلاستك
أو أي خيمه خفيفه
شرط ماتاخذ مساحه من السياره
ويبيلكم كشاف
يشتغل بالطاقه الشمسيه
ويبيلكم ليزر علشان
لوضيعتوا فالناس تنتبه لكم وتنقذكم
وكل محافظه اتدشونها لازم تاخذون أرقام هواتف
محلات تأجير السيارات وهواتف سيارات الأجره اللي فيها
علشان لو تعطلت السياره فيكم
فـ اتدقون عليهم ويوصلونكم لأقرب فندق أوللسفاره أولأقرب شخص تعرفونه في هالمدينه
وبالمره تاخذون أرقام البنشرجي المتنقل
علشان يساعدكم بتصليحها لو لزم الأمر
لذلك احرصوا
على أخذ المجلات الإعلانيه
اللي بتصادفكم بكل مدينه
لأن فيها كل محلات المنطقه
ويبيلكم فنادق وشقق فندقيه
قريبه من المطاعم والمولات
منها تستانسون ومنها ماتضايقون قرايبكم وبيوتهم
فتقعدون بالفنادق أحسن لكم منها تكون زيارتكم راقيه
ومنها تكون قعدتكم بالفندق هيبه وفخامه
ومنها محد يدري وين رحتوا ووين جيتوا
وطبعا لوروحتكم لحضور مناسبات
فاختاروا الفنادق الأقرب للصالونات والمشاغل
علشان لايروح وقتكم وإنتم اتحوسون واتدورون على صالونات وعلشان لااتضيعون فندقكم ههه
وطول الخط رايح جاي
صوروا اللوحات ويافطات الماركت والمحلات اللي تصادفكم
وصوروا المباني المميزه في كل مدينه
وصوروا بيوت قرايبكم والبيوت المميزه في كل شارع
علشان لو انجمتوا أوضيعتوا
فهالصور تساعدكم اتردون للنقطه اللي كنتوا عندها
فتوصلون لفندقكم وقرايبكم اسرع أكيد
ونفس الشي إحداثيات هالأماكن والبيوت سجلوها أول بأول
وكل محل وكل فندق وكل مطعم تمرونه
اخذوا كرته وأرقامه
ولازم كل واحد فيكم معاه تلفونيين
وفيهم نفس الأرقام والأسامي
علشان لوواحد ضاع منكم وتلفونه فصل فجأه
فيستعين بتلفونه الثاني
ولازم يكون مع كل واحد فيكم
نوته فيها أرقام وعناوين قرايبكم ومعارفكم واصدقاءكم
بكل منطقه وبكل بلد
وبالمره تعودوا على تدوين يومياتكم
واللي بيوم من الأيام ممكن تكون روايه أوقصص قصيره
أومسلسلات أوكتب تنشرونها لاحقا
ويبيلكم تعرفون أرقام وعناوين
الصيدليات والعيادات والمستشفيات
بكل منطقه تمرونها
واقروا عن عادات كل بلد وكل مدينه تمرونها
وتعلموا طريقة سلامهم
وتعلموا الردود اللي تناسب كلماتهم الترحيبيه وثناءهم
علشان لااتطيحون باحراجات
أوتردون رد عفوي بالنسبه لكم وجارح بالنسبه لهم
لأن لكل مدينه ألفاظها
واخذوا جوله بصورها على النت
وبالسفر لااتعصبون ولااتنرفزون على أهاليكم
لأن هالشي بيحز في خاطرهم ويكسر فرحتهم بهالسفره
وحطوا لهم جدول سياحي يناسب كل مدينه وأسواقها ومنتزهاتها
وحددوا مصروفات السفره وتكاليفها بالكامل
وعطوا كل واحد فيهم مصروف جيب وتسوق
علشان يشتري براحته وكله حسب رواتبكم
سواء كانت السفره يوم والأ اسبوع والأ شهر
بلس اختاروا
فنادق وشقق فندقيه غرفها
تناسب عددكم
وقبل الحجز فيها تأكدوا إن غرفها نظيفه ومفروشاتها جديده
أوشبه جديده
ونبهوا على عيالكم وأهلكم إنهم مايستعملون مناشف وأرواب الفنادق نهائيااا لوشنو ماكان
تفاديا للأمراض الجلديه والعدوى مهما قالوا لكم إنها معقمه
فلاأحد يستعملها نهائيااا
وهالكلام طبقوه بالروحه وبالرده
وسلامتكم
تم بحمد الله
ليست هناك تعليقات:
إرسال تعليق