حريم الجخ: قراقيش العماير والفلل

بسم الله الرحمن الرحيم

بالنسبه للمسابح اللي ماتستعمل

1)لاتردمونها بتراب

2)ولاتساوونه بالأرض ولاتبلطونه ولاتكيشونه ولاتغطونه

3)لاتلغون حنفياته ولاتلغون أي شي منه

ولكن

1)جففوه في الفصول اللي ماتحتاجون لها

مثلا بالشتا والربيع والخريف

2)حولوه لجلسه أرضيه

3)أواستغلوا شكله كـ دكه

4)تقدرون تحطون عليه مظله أوعريش عن الشمس

5)تحددونه لربعكم شرابين السجاير وماشابه

6)ومتى مابغيتوا تردونه مسبح فتعبونه ماي وآلياته بمكانها

7)وهذا حل وسط بدال لايغرق فيه أحد وبدال لايتطحلب

وبدال لايتعبكم بالصيانه والإهتمام الزايد

=================

الدواوين

يفضل الديوانيه تكون مستقله بمساحتها وتوابعها

واللي هي

1)دكه تكون بظهر الدرايش أوشبه مسردبه وعليها مظله إسمنتيه وعتبات عن المطر

علشان مساندها وسجادتها ماتغرق

2)حوش بحديقته ومسبحه

3)بلكونه علويه لقعداتكم أيضا من باب تنويع القعدات

ودرجها بحوش الديوانيه

4)أبوابها هي وحمامها ومطيبخها وغرفة السايق كلها

على خط واحد أوعلى جهتين حرفL

5)لها باب خارجي يطل عليها وعلى دكتها وحديقتها

6)فيها مقلط ببابين باب يطل على البيت وباب بينها وبينه

7)تصميمها يكون سمبل وواضح

بحيث إن اللي يدش مايضيع لاهو ولاالأطفال يعني تصميمها

مايخوف ولايضيع ولاهو مليان دهاليز ورعب كإنه كهوف

بس مايمنع إنك تزخرفها ودوكرها من الخارج إلى مالانهايه

8)درايشها تطل على حديقتها

9)درايشها أرضيه أرضيه

بحيث تشوف الحديقه والمسبح والداش والطالع فرضا طفل دش للمسبح فتراقبونه من غير لايلاحظ تفاديا للغرق لاسمح الله

10)عتبات الديوانيه ماتزيد عن 4لـ5 بالكثير علشان منظر الدكه

=================

السرداب يكون مقسوم لقسمين موشرط بالتساوي

1)واحد للسيارات🚕🚙🚗والسياكل🚵‍♂️🚵

وهذا شكل(سلّمه)عملي جدا

ويكون داخل مخزن المطبخ وبشكل خفي

علشان مايخرب منظر البيت ويكون مخفي عن الأنظار تماما

فلايشوفونه لازوار ولاضيوف وكله سكتم بكتم هههه

أما سيارة السايق🚙

هي الوحيده اللي جدام الباب وماتنزل للسرداب نهائيا وبتاتا بته

علشان موكل شوي السايق يدش المخزن والسرداب

فيبقى للبيت حرمته🤗

وعلشان تكون سيارته جاهزه لطلبات البيت ومشاويره اللي بالدقايق🥳

وعلشان لاتحتاجون مظلات للسيارات لأن منظرها يشوه التصميم والبيت والشارع🙄

وواحد للعزايم والحفلات والمناسبات

وتهتم بإضاءته طبعا

وإضاءة سردابه بشكل باهر زاخر فاخر
لأنك مصممه أساسا
للمناسبات العائليه الحلوه بداية من الذبايح ومرورا بالتمايم
وحفلات النجاح السنويه أوحفلات الثانويه العامه وأعياد الميلاد واستقبال من سفر يعني هالمناسبات والحفلات الخفيفه اللي يتجمعون فيها الجيران والقرايب
وطبعا حسب المناسبه تكون إضاءة السرداب وواجهة البيت
مثلا لو تخرج أونجاح سنوي
فتزينون الواجهه
بإضاءه ناعمه
علشان الشارع ينور ويشاركم فرحتكم
وهالفكره حلوه للتصوير والذكريات
فتحطونها سنويا ولكل مناسبه إضاءتها وفكرتها
سواء هالحفلات نسائيه أورجاليه أومشتركه المشتركه يعني الإخوان والخوات والخالات والعمات وعيالهم وأحفادهم
فماتتعدى قرايب الدرجه الأولى والدرجه الثانيه
بهالطريقه بيبقى البيت نظيف ومحد بيتدخل بالصاحي والنايم واللي له خلق واللي ماله خلق سواء اقْعَدَوْا بغرفهم والأ بالصاله والأ بالمطبخ بكيفهم
والناس ترقص وماخذه راحتها بالسرداب هههه
=================
بالتجربه والبرهان
أكيد كلكم لاحظتوا كمية البشاعه للتكييف العادي والوحدات
وشلون تشوه المباني من برا والأحواش
وتخرب مناظر الديكورات الداخليه
وكثرة خرابات الوحدات وكمية المياه اللي تنزلها واللي كفيله إنها اتخرب الأثاث الغالي والرخيص
فلاتحطونها ببيوتكم يااللي تبنون ويااللي اتجددون ويااللي اترممون
بايخه ولالها منظر نهائي
لذلك اعتمدوا التكييف المركزي وكل شي مركزي
واختاروا لها أماكن خفيه جدا
علشان منظرها مايأثر على ديكوراتكم
وحاولوا تختارون الأشكال الناعمه والخفيه للبيت كله
=================