بسم الله الرحمن الرحيم
عيوبها:
1)تصاميها موحلوه نهائي
2)كثرة السلالم المطله على الحوش والغامضه والموحشه فعند الباب الرئيسي درج وبين الغرف درج وبالحوش درج
3)كثرة الفراغات فبين كل جهه وجهه فراغ وبين كل طوفه وطوفه فراغ ومابين كل ممر وممر فراغ
4)كثرة المعابر والمررات المظلله جدام الغرف
فتلقاها حوالين الحوش ومحاوطته كإنها أرصفه
وهذا كله هدر للمساحات طبعن
5)وغرفه صغار ومستطيله وموحشه لهـ الأسباب هذي
لأن السلالم والمعابر والفراغات كثييررره ومشتته المنظر والمساحه
6)كثرة البيبان الخشبيه المطله على الحوش لدرجة إن أهل البيت لما يقومون كل واحد لغرفته اللي يتوجه يمنةً واللي يتجه يسرةً واللي شرقي واللي غربي وكل واحد متشعبط له بسلم كنهم عتاوية حوشنا هههه
وكثرة هالبيبان معناه كثرة الغبره والكرف
لأن الغبار بيدش للغرف والصالات والمطبخ يوميا
وهذا كفيل إنه يخرب الأثاث فيبهت ويصير شكله كأنه قديم حيل حتى لو كانوا من إسبوع شارينه
7)المطبخ خارجي فالوحده لوسهرانه فتخاف تنزل له بروحها
8)ماتعرف فيه الغرفه العاديه من الرئيسيه ولاتعرف صالته الكبيره من صالته الصغيره
لأنهم كلهم مثل مثل ونفس الحكره ونفس المساحه
9)الأحواش مبلطه ومكيشه والمفترض تكون حدايق ونوافير موطَرْقْ الغبره والغسيل طول السنه
10)كلها طابوق وحديد سلالم عادي
من غير لا تزيين ولازخرفه ولادرابذين ولابلكونات
ولابيبان حلوه ولافيها أي جماليه نهائي
11)كل هالعيوب كفيله إنها تنزل سعرها للربع
12)وكفيله إنها اتكّره فيها المؤجرين من العوايل
13)فتصبح سكن للعماله بأرخص الإيجارات
14)مايقدرون يأجرون الغرف والشقق الزايده عندهم
لأن بابهم واحد
وسلالمهم وحده وحوشهم واحد
مزاياها:
1)يحددها ذوقك واستغلالك للمساحه وإن الله يساعدك بالمهندس العبقري الفنان الذوّيق
2)فتقدر تبني بيت عربي على شكل أي طراز
يعجبك سواء قصر أومنتجع
أومول
أوساحه إلخ
3)وتقدر تصممه بشكل دائري ملموم وهذا الأحسن أكيد
فيبدو كإنه فيلا بحديقه داخليه أوكإنه ساحة قصر
4)وتقدر تخلي الأبواب المطله على الحوش 3 أبواب
وبس
*باب يخدم المطبخ ومخزنه
والمخزن برضوفيه سلم السرداب
ويكون المخزن مساند للمطبخ وفيه دواليب
(وطبعا المطبخ والمخزن بينهم نص طوفه أوثلاث أرباع طوفه علشان الباب يخدم المطبخ والمخزن بوقت واحد
**وباب الصالات الأرضيه والغرف العلويه وأسنسيرهم ودرجهم وغرفة الغسيل ومخزنها وغرف الخدامات والسطح
***وباب المقلط لسهولة توظيب الولائم
وطبعا المقلط وراه الديوان وحمامه مشترك مع حوش وغرفة السايق ومعاهم بابهم الخارجي اللي يطل على الشارع
5)الدرايش والبلكونات تطل على الحوش فيكون عربي 100%
6)لأن فكرة البيوت العربيه إنها ماتطل على الخارج ولاتطل على الشوارع والبيوت المجاوره لها
7)كثر الزجاجيات وجَمّلْ طالما الواجهه رباعيه أوثلاثيه وداخليه وملمومه وهي بتجمل البيت داخليا وخارجيا
8)وبالنسبه للباب الخارجي فكمله لارتفاع السطح بقزاز
9)بلاط الحوش يكون لمّاع وملّون موأبيض ولابيج
بحديقه ونوافيروبحيره ومناظر طبيعيه وشلالات وشي شي
وطبعااااااا الصالات أقصاها 3
(منها2مطله على بعض لكم وللتلفزيون والسفره وبينها وبين المطبخ باب)
والثالثه للضيوف بحاجز مع حمامها
*وباقي الحمامات بالغرف أكيد وسبق وقلنا وفصلنا ليش ولماذا
10)أما غير هالفكره فماينفع نهائي
11)وطبعا البيوت العربيه لها جمهورها وعشاقها
12)بس لأنهم مولاقين مهندس فنان مبدع مبتكر فتقلص عددهم
13)وصارت مكروهه أكثر مماهي محبوبه
والسبب تصاميمها الموحشه ومناظرها الكئيبه
14)فهي كفكره صح لكنها كتصميم ماش يعني ولاببيزه
وهذي عادة كل شي بالكون يبقى ميت وهامد ولاله منظر ومهجور ليين يجيه المهندس أبو الإبداع ويخلقه من جد وجديد بشكل مذهل ولمسات خلابه فيحوله لـ جنه من جنان الدنيا
15)لذلك البيوت العربيه جمالها بأنك تسكنها إنت وأهلك بروحكم ومن غير دوشة المؤجرين وغثاهم
لأنك بتضطر تحط لهم باب خارجي ودرج ودرايش خارجيه وعباله بعباله
وكلها بتضيع هالجماال اللي تعبت عليه!
16)مع الغرف حط غرفه لقرايبكم اللي يتفندقون عندكم هههه
17)ادمج غرفة الطعام بصالاتكم ومن غير حواجز أحلى أكيد
18)المخزن لثلاجات الخضره وثلاجة المشروبات والفريزرات والتنور والبراد وطبخ الذبايح مع دواليب تخزين الحبوب والمعلبات وماشابه
وطبعا لازم االمخزن والمطبخ كبار
وجدرانهم سداسيه أوثُمانيّه علشان كل جدار يكون لشي محدد
*جدار لحوض أرضي لغسيل الذبايح
*وجدار لطبخ الذبايح
*وجدار للثلاجات
*وجدار للفريزرات وبراد الماي
*وجدار للتنور والصاج ورخامة الشوي
*وجدار للغازات وهذا تحت الداريش
*وباقي الجدران* للدواليب والحوض والتخزين
لأن الدنيا أثبتت إن الأشكال المربعه والمستطيله والدائريه ماتخدم لاالمطبخ ولامخزنه ولاديكوراتهم
وطبعالازم تاخذون مقاسات الكهربائيات قبل لاتصممون ديكورهم
وبالنسبه للديوانيه
فبراد الماي وثلاجة التمر وبهارك وقهوتك
وحوض الفناجيل أوغسالتهم
بالمقلط ويفصله عنهم حاجز
بدال لاكل شوي توديهم للمطبخ
وتنادي يامن يغسلهم
ويامن
يجهز التمر
ويامن يعبي الترامس مائ
وبدال لاتكرر
هالموال يوميا
فاختصر هذا كله
بمطيبخ صغير بالمقلط
وطبعا اشتر براد ستيل
ماايه بارد جدا
وكله من ماي بيتك
موتشتري براد العازه أبوقاروره هذا وطقته
واللي كل يوم يبي له قاروره
وتبريده للماي وسط وموحلو لاقلبا ولا قالبا
------------
والفكره الجديده
هي إنك تبني بلكونه أوسطح للديوانيه
للجنجفه وقعداتكم إنتم وربعكم
سواء داخليه على الباب
نفس هالصوره
أوخارجيه
كلها روعه وابداعيه بجد
وبجذي يكون موضوعنا اكتمل كرؤيه فنيه
وأبي فيلا على طلبي
قسم غربي وقسم عربي
وسلامتكم
تم بحمد الله
ليست هناك تعليقات:
إرسال تعليق