ياصعب الإتيكيت صعباه هههه
يعني قبل كانوا إتكيت وموفرين جدا والحين لأأااااا🥳
انزين ليش❓❗️❔
لأنهم قبل كانوا يستعملون فوط السفره ويعقمونها بحوض صغنطوط مخصص لهم على طول
أواشتري لهم ميني غساله وحطيها بدولاب المطبخ🌫🧴💦🧫
لكن الحين كله هدر فلوس على مناديل الورق💸🧻💸
فاستفيدي من الفكره لبيتك وسفرتك وضيوفك🤗
1)حددي مكان ثابت للأكل
*وعودي نفسج مع الريوق والغدا والعشا
اتوزعين مناديل على سفرتج الأرضيه أوالطبليه أو الطاوله
*وبالمره تعلمي طرق طيها الدميله والبسيطه وكل يوم فاجئيهم بطريقة طي أحلى من اللي قبلها
2)عودي نفسج وعيالج يستعملون فوطة الأكل -المريله وبدائلهامع كل وجبه
منها سنع وبالمره علشان مايوسخون ملابسهم ومنها يتعلمون ياكلون بهدوء ورزانه واتزان بدال لاياكلون بسرعه بسرعه وكأن فيه أحد لاحقهم
3)حطي لهم شوكه وسكين وقفشه وعوديهم ياكلون فيهم
وعادي يغلطون مرتين وثلاثه بعدها بيتعلمون من نفسهم
أوتعلمهم ملاحظاتج اللي تنبهينهم عليها أول بأول
4)معروف عن شعوب الشرق الأوسط إن سفرتهم أرضيه
بس هذا مايمنع إنك اتطبقين عليها قانون المناديل مع الشوكه والسكين وقولي لهم إنها علشان مااتوسخ ملابسهم وإنك مالج خلق على الغسيل والكوي كل دقيقتين وبيتجاوبون وياج
*وعوديهم إن كل واحد ياكل بصحن بروح فخليها أساسيات بحياتهم
5)وحتى الشعب الياباني سفرتهم عباره عن طبليه مربعه وقعدتهم أرضيه
*فاستغلي الطبليه للچاي والمكسرات وقعداتكم ولقعداتك ومع والناس اللي مااتشككين منهم من خوات وصديقات وجارات
6)وبدال شيلي السفره وجيبي السفره وودي السفره صبح وظهر وليل
*فاشتري لعيالج طاوله عاديه مااتعدى 30 دينار لو معاشكم ع القد أوعليكم ديون وأقساط والمعاش يطير عليهم
*واشتري لها مفرش حلو ومميز(وإذا تبين الصراحه فشكله أهم من شكل الطاوله)وبيحسسهم إنهم حالهم حال الناس وجدديه كل 4شهور
*بدال لاينقهرون من لقطه بمسلسل أو لودشوا بيت جيرانكم وبيوت ربعهم وقرايبهم اللي ماديتهم أعلى شوي منكم
*فلا تشْكينْ لهم سوالف الماديات كلها
*لكن اشتري لهم كل شي حسب امكاناتج وكله يعتمد على ذوقج
*وحتى لو اطلبوا شي بالسوق وفلوسج ماتكفي قولي لهم نسيت الكرت أوالرقم السري أوالبطاقه انتهت
*المهم لاتقولين لهم ماعندي ومن وين أجيب لكم وهالكلام التحبيطي اللي بيحسسهم إنك مظلومه وإنهم مظلومين معاج لأنهم أطفال ومالهم ذنب بديونكم واقساطاتكم
*ومثل مافيه طاوله ب200ألف ففيه طاوله ب20 دينار ونفس الشئ المفرش
*وقيسي على هالمثال كل شئ من طلباتهم ولوازم البيت اللي تبهجهم وتحسسهم إنهم مثل الكل
*فيتلاشى شعور النقص اللي كانوا حاسين فيه وإنهم أقل من هذا وذاك
*والله يسلم المسلسلات ماهي امقصره بهالأمور
فالطشي منهم وطبقيه ببيتك هههه
*وحتى طلبات ووجبات المطاعم طبقي عليها كل هذا
اشتري لعيالج ولج أرواب بقبعه
وعلقيهم بشماعة الباب
هذا يختصر عليك المناشف وغسيلهم وتجفيفهم وترتيبهم بالكبتات وكل واحد منهم روبين فيبادلون بينهم علشان تغسلين اللي استعملوهم وهكذا
وكل نص سنه تشترين لكل واحد اثنين
الأسطوره تقول🥳
إن الطفل🧑أوالطفلهـ👧
اللي ياخذون منديل في إيدهم طول الوقت🤧
فمستقبلهم🌞إما دكاتره👨⚕️👩⚕️أومهندسين👷♂️👷♀️
وبيكونون فاهمين الحياه والنظافه والميكروبات وأسرارها 😎
وللأمانه🐸اعرف بنات صاروا دكاتره👩⚕️👩⚕️👩⚕️وصج كانوا يمسكون المنديل بإيدهم طول الوقت😉🤧😉فهذي من الأسرار المشتركه بينهم🥳وبين طباعهم وميولهم🥳وهذا بيساعدج تكتشفين أطفالج وميولهم من البدايه😎
والأحسن إنك اتعودينهم بنفسج على هالشي وتشرحين لهم
إنه عن العدوى والرذاذ والروايح والفيروسات
هذا بيحببهم بالعلوم ويسهل لج تفوقهم فيها
الإستهلاك المِخسَّروالمسرف والمبذّر💸🧻🥡🧻💸
هي انك لما تزكمين
تسحبين منديلين من العلبه في وقت واحد🤧🧻🤧
فلو كميتها تكفي اسبوع📅فبطريقتك هذي راح تخلص بـ 3 أيام📆💸📆والسبب الثاني🤔انك تشترين مناديل خفيفه جدا🗳فتضطرين انك تسحبين3و4 بوقت واحد🤧💸🤧💸🤧وبجذي بتخلص العلبه بربع يوم😲فالحل إنك تشترين مناديل ورقها أقوى🧻🥡🧻
وتحددين علبه لكل يوم
وتكتفين فيها
فتسحبين ورقه وحده
بدال 3 و4 ورقات🤧💸🤧💸
مناديل مبلله🐸بشكل مبتكرومميز🤩
تنفع لجنطتج👜ووقت العزومات🧛♀️
ونفس الشي تنفع لجنطة بناتك🎒وعيالج🎒
فكره منزليه🥳
استغلي علب المناديل الفاضيه 🥡كـ🗑باسكت🗑
لرمي المناديل والورق والقراطيس والأشياء
البسيطه?🤧🧬
بدال لاتنطين كل شوي علشان
تحذفين لج قرطاس وبالمره اربطيهم
بأستيك علشان ياخذونهم معاهم لأي مكان بالبيت
فكره ذكيه للرولات🧻والمناديل🧻
تضاعف كميتها بسهوله🥳
طريقة عمل مناديل صابونيه منزليه معطره🧻🧴🧻
اللوازم🧐مناديل🧻وصابون سائل🧴وكميه مناسبه من الماء🥛وأي زيت عطري مفضل عندك🌬
الطريقه🧐تخلطين
الصابون بالزيت بالماء🥣وتصبينه
في علبة المناديل وبس🤠
بجذي صارت
المناديل جاهزه🗳والفكره تنفع
للطلعات والبيت
والسفرات القصيره🤠
أفكار لصنع كمامه في كل مكان بالمكتب والأ بالبيت الخ😎
من منديل🧻ودباسه🔬واستك💫
أومن منديل🧻وصمغ🛢واستك💫
تم بحمد الله
ليست هناك تعليقات:
إرسال تعليق