بسم الله الرحمن الرحيم
قبل الناس عندهم نزعة التطور
وتقليد كل شي خاص بالنظافه يشوفونه بالتلفزيون والسفرات
مع إنها مجرد لقطات من ملايين اللقطات
لكنهم كانوا مهتمين فيها بالذات واللي من أمثلتها
البشاكير ومفردها بشكير أوباشكير
وهي عباره عن منشفة جيب صغيره تستعمل للوجه والمسح والنشله اللي هي الزكام وكانت تغسل حالها حال أي منشفه
وكانت بديله للمناديل لغاية مااكثرت شركات المناديل وبعدها بدأت هبة البشاكير تختفي رويدا رويدا لغاية ماتلاشت تماما بوقتنا الحالي وصارت البشاكير
من الماضي
لكن فيه شركات ذكيه بدأت تصنع بشاكير قطنيه معقمه ومغلفه وعمليه
وشكلها حلو جدا فتنفع للبيت
وللجنطه وللجيب وللطلعات والمطاعم والسفر وماشابه
وفي الغالب تلاقونها بمواقع التسوق مثل جولي شيك وماشابه
ولولقيتوها فاشتروا منها كميات لأن الموقع مودايما يوفرها
مزاياها:
*خفيفه جدا وزن منديل تقريبا
*وناعمه وبعضها معطر بالليمون
*وكل قطعه مغلفه بروحها وهذا الأحسن أكيد
حطي لهم ميزانيه نص سنويه
واشتريهم كل نص سنه
فمع كل ضيافه تحطين لهم على المغاسل مناشف جديده
وكل شهر تحطين للمطبخ ولكم وللأرضيات كميه جديده
واتِخلّصين من الأقدم والأقدم علشان لايكركبون الدواليب
وعلشان ماتضطرين اتغسلينهم وتكوينهم كل مره
فتبقى الدواليب مرتبه على طول وكله جديد بجديد
تتنافس ربات البيوت
على ترتيب الدواليب والمناشف تحديدا
فلو اعجبتج طرقهم فطبقيها على دواليبج
وفكرتها كالتالي:
1)اشتري مفارش أورجنزا وتور ودانتيل وحطيهم على الرفوف
2)شكلي المناشف رولات وطبقات وبطات ونجوم ومثلثات إلخ
3)اربطيهم بشرايط وزيني الرفوف بألعاب ودمى قماشيه سواء قطاوه أوطيور أوباندا إلخ
4)تشتشيهم وعطريهم وبخريهم كل مابخرتي غرفتج وكبتاتج
5)وتقدرين تختصرين كل هذا بإنك تشترين سلات للمناشف وترتبينهم فيهم وصلى الله وبارك
ميزانية المناديل🥳
اشتري فيها كل أنواع المناديل الجافه والمرطبه والجيب📮والرول والسفره
وللجناط👜🎒💼
والمدرسه والطلعات بالكرتون وبالجمله📦🥡🛢🔋🧻🧼📦
علشان تكفي الشهر كله🤗
ومن كل نوع📦جمركي لك علبه🥡🛢🧻🧼
وخزنيها للشهر للي بعده احتياطيا🥳
وطبقي هالفكره على الصوابين والمناشف وكل المشتريات الاستهلاكيه🤗
خليها للأيام العاديه ببيتك
للمناديل والفونات والريموتات وحجارتهم وعدة أظافرج والكريمات والعلوك والحلويات والقرطاسيه وعطرك وروجج يعني قشج كله
هالفكره تساعدج تلاقينهم طول الوقت بدال لاكل شوي ضايع ريموت
ولمكتبج روعه أكيد
العلب الجميله هذي🗳
خليها للعزومات🗳
والمناسبات الحلوه🗳من نجاح🗳وعيد ميلاد🗳وسبوع🗳والحفلات الصغيره المشابهه😍
علشان تكون ضيافتج ومميزه وبيتج مميز
وطبعا لازم تخشين العلب العمليه بهالمناسبات
علشان يشع المكان ويلمع ويبرق اكثر واكثر
ولوعجبج منظر مثل هالطاوله فطبقيه بالضبط
والطريقه تشترين نفس هالمفرش والكوشيات والسجاد وباقي الرتوش
والأسهل صوريه ووريهم الصوره وهم يجمعون لج هالأشيا
سلة النفايات وعلب المناديل المطقمه
لااااااااااااااااتشترين النوعيات القماشيه نهااااااااااااااائي
لأنها
1)اتوسخ بسرعه
2)تبقع بسرعه
3)تنشر الروايح
4)تبي غسيل وتنشيف يوميا واسبوعيا وعلى بال ماتنشف تكون القراطيس اترست المكان
5)في الغالب شكلها موووحلوو
لأنها
1)سلهة التنظيف بمجرد المسح بأي منشفه أومنديل
2)ألوانها مريحه ومتناسقه
3)ممكن تجددينهم كل نص سنه
4)تقدرين اتبادلين مابين أماكنهم من غرفه لغرفه ومن صاله لغرفه
5)المميزه منهم لوقت الضيافات
مزاياها:
تقدرين تمسحين فيها العيون من غير لااتهيج
أماباقي الأنواع فممكن تسبب حساسيه للعيون خصوصا للي يلبسون عدسات
ماأنتي محتاجه الكراتين بشي صح؟
لذلك اتجهت مصانع المناديل الورقيه
لحيله توفيريه للطرفين البايع والشاري
الأ وهي تعبئة وتغليف المناديل بالنايلون
1)لأنه أوفر من سعر الكرتون الورقي
2)وفرصه لزيادة مبيعات العلب الكشخه والعمليه اللي تكلمنا عنها مساع
3)وعلشان الكراتين ماتاخذ مساحه بسلة النفايات أكرمكم الله
4)وعلشان لما تقطين النايلون من سيارتج مايوسخ الشارع فيطير إلى اللانهايه فمحد يصكج بمخالفه ههه
وعلى سبيل التوفير وانقاذ الموقف🥳
لوعندك علبة مناديل وحده بس🥡
فقسمي مناديلها على صناديق المناديل اللي في بيتك🗳🗃🗳
سواء بالصاله✨أوالغرف✨أوطاولات الزوار🤗
بجذي تكونين انقذتي نفسك من الحرج بشكل حلو جدا🤗
وطبعا اشتري صناديق مناديل صغيره ووزعيهم على كل مكان بالبيت وعبيهم🗳🗃🗳وبجذي محد بيكتشف خطتك الجهنميه هههه🤗
اشتري مناديل ملونه ومزركشه ومشجره ومزخرفه باستمرار
أولامن باب التغيير
وثانيا لأنهم ملّلونا من الأبيض وين مارحتي تلاقينه
وثالثا بالتصويروالصور شكلهم أحلى
قبل أيام المدارس مايبيعون الأ المناديل اليابانيه الملونه وكانت مميزه جدااا
لكن عقبها البيضاا اكتسحت الجمعيات والأسواق والمصانع
وأظن اليابان وقفت تصديرها ليش الله اعلم
لكني للآن أشوفها هي بالضبط بمواقعهم
لكن يوم دورت صورها علشان تشوفونها مالقيتها
لأني نسيت كلمة البحث اليابانيه اللي وصلتني لصورهم وتقريبا هذي أقرب صوره لهم بس شكل العلبه غير
انتهى الجزء الأولوانتظروني في الجزء الثاني
ليست هناك تعليقات:
إرسال تعليق