بسم الله الرحمن الرحيم
حددي لكل محل درج
مثلا الشايع -القرشي -محمل العود -أمل الكويت -العربيه للعود-أصغر إلخ
أودرج حسب البلد مثلا:
بخورات ودهون الكويتيه- البخورات والدهون السعوديه
الإماراتيه -بخورات البحرينيه -العمانيه-القطريه إلخ
👛👝ياتشتريها جاهزه ياتجمعينها بنفسك👛👝
واللي هي ميني بخور🪔🔋وميني لايتر🧯ودهن عود🔋وميني مبخره🪔وميني عطر🔋وميني بخاخ🔋
وهالفكره طبقيها لما تزورين أهلج وخواتج وتقعدين باليومين والثلاته أولسفراتك السريعه🚞
فتكون معاك جنطة بخوراتك وعطوراتك بشكل حلو👝
فماتاخذ مساحه من جنطة إيدك ـأوجنطة السفر🤗
علشان تصير ريحة البناتين وولادك دايما حلوه🌬👩👧👧👨👦👦👩👧👧👨👦👦🌬
*حطي نقطة عطر أوزيت معطر
1-بالبانيو بعد مايتسبحون نقعيهم فيه دقيقتين جذي😶
2-أومع مائ شطف ملابسهم بالغساله😶
3-أومع مائ الكوي😶
4-*وخليهم يستعملون صوابين أطفال معطره طول الوقت😶
5-*استعملي لملابسهم صابون ملابس أطفال سائل
6-ريحته روعه وبيحافظ على الملابس😶
7-اشتري لهم كلونيا المواليد وبودرتهم ومناديلهم باستمرار😶
8*بعد ماتغسلي أروابهم عطريها وامسحيها بزيت معطر طفولي😶
9*بجذي بتصير ريحتهم طفوليه ونظافيه ونعوميه طول الوقت😶
اشتري كفرات كوشيات مميزه🥳
واحشيهم ورد🌸ولافندر🍁وأعشاب عطريه🍂🌼🌺🎋واخلطيهم بشوية زيوت عطريه🔋🛢🔋وأي عطورات عندك🧯وكلهم تلاقيهم بمحلات العطاره ووزعي الكوشيات على الكنب🛋والزوايا😶وجنب سجادة صلاتك🐸وفي الغرف🐽وهذي طريقة الوسايد العطريه بكل بساطه🤗
ميزتها🤓تنشر الريحه الحلوه🌬والراحه النفسيه😶وتحسن المود😶وتنشر طاقات إيجابيه في البيت😶وتبعد الشياطين👿وتقرب الملايكه لأنهم بيحبوا الروايح الطيبه جدا🤗
في العزايم والحفلات والزيارات
اخذي بجنطتج
مناديل مبخره ومعطره
تلاقينها بمحلات البخور
وبكل سوق بتلاقين مناديل معطره بكل أنواع العطور
فاشتري من كل نوع كميه
وحددي لهم درج ببيتك
ومتى ماانعزمتي حطي منهم بجنطتج
معطر السجاد هذا تحفه بجد 😍
وأحلاهم-اللافندر- البنفسجي🤩
1)ترشينه على السجاد
2)وتخلينه دقايق
3) وبعدها شغلي المكنسه وشيليه
وهذي فكره بديله لبودر السجاد
مكوناتها أي زيت عطري وباكنق صودا
تخلطينهم ربع غطا من الزيت وربع كوب باكنق صودا
وترشينهم وتخمينهم نفس الطريقه السابقه يعني
لما تملين من بخوراتك المركونه لشهور🤢
وتملين من الكلونيا ودهن الورد والزيوت العطريه🥴سوي لهم إعادة تدورير🤗 يعني شنو؟ يعني اخلطيهم ببعض ورجي العلبه 3ل7 أيام كل مامريتيها🤗بعدها ابدي بخري البيت والدواليب منها🤗
بجذي تكونين ابتكرتي بنفسك خلطة بخور حصريه وياأرض اتهدي ماعليكي قدي🤗وبالمره حطي كشكول لخنفشارياتك وخلطاتك وابتكارتك البخوراتيه والعطوراتيه🛢📕🔋📙🪔📒بدال لاتنسين مكوناتهم ومقاديرهم للأبد فتكونين بالسليم🤗وبالمره أرسلي نسخه مصوره لإيميلك وبالخطوات والتفاصيل💻📲وكله أول بأول ف ادزين رساله من نفسك لنفسك🤗
ونفس الشي أي من طبخات وابتكارات وأفكار عامليها معاملتهم علشان لوحبيتي ترجعين لها أوتنشرينها بصفحاتك فتكون جاهزه ومتاحه للأبد🤗
الفكره الثانيه
عطوراتك وبخوراتك اللي تمّلين منهم🙄
1)وزعيهم بصواني وسلات بأركان البيت🧺
وكل مامريتي ركن تشتشتي حواليه منهم🧯2)أواستعمليهم لمائ شطف الملابس🧫🦺👚👘3)أواخلطيهم بالداوني والكمفورت لتعطير البيت والمسح والدواليب🧴🧯🛢🔋🧴4)أووزعيهم بجناط السفرات السريعه
وجناط العيال وجنطة إيدك🎒👜💼
5)أوظبيهم وعيدي تعبئتهم بشكل حلو🪔🎁🧬وتغلفينهم وتتبرعين فيهم لجمعيه خيريه⛪️🚎أوأي لأي أحد محتاجهم شغاله -سايق-الخ💇♀️🕴
اشتريت عطر بكرتونته
واخذته وشميته وعطرت الدنيا منه وبس خلاص💃
بعدها رحت وحطيته على الطاوله تمام🤫
ولما مسكت الكرتونه علشان اقطها😶لقيتها ثقيله واستغربت أكيد😳المهم قلت بـ افتشها وأشوف شسالفتها🤔والمفاجأه🤗اني لقيت بزاويتها عطر ثاني رول ومومبين
لأنه متكرتن بشكل ابداعي خطير😮
ففي المرات الجايه
حاولوا تتأكدون من محتوى الكرتونه🕵️♀️📦🕵️♂️
وهل معاها عطرأو بودره أو بوك
أوأي شغله تفاجئنا وتفرح طفولتنا🥳وطبعا كنت اشتري عطور وبكرتونتها ميني عطورات باستمرار بس هالمره خاشينه بشكل ابداعي فمو مْبين نهائي😶
اصنعي صينية بخوراتك بنفسك🥳
لو ماعندج صينية امطقّمه لبخوراتك😱
فالحل إنك تنجزيها بنفسك🤔
اللوازم🧐صينينه ذهبيه مركونه عندك بمفرش أو من غير مفرش🧮ومبخره ذهبيه🪔وعلب بخوراتك🥡🥡🥡مع فحم سريع⚫️ولايتر🧯وكم عطر🛢🔋وكم دهن عطري وردعلى لافندر على مسك على عود🥳على كم بخاخ عطري الموجود يعني🛢🔋الطريقه🧐وظبيهم بالصينيه مع لمساتك من شموع ومرايا وورد وخرز ولولو🌺✨🌸✨🌼
الصواني تسهلج حياتج
*وزعي صواني بكل ركن فيها:
-معطرات الكترونيه
-ومباخر كهربائيه وبخورات وعطورات
-ومناديل للأسطح في كل ركن ببيتك🧮🛢🪔🔋🧯🧮
-وفي المطبخ والحمام
-ومع كل آدان🕋تشغلين المبخره🪔
*وكل مامريتي جنب ركن تمسحين طاوله أو رف ثلاجه أوكنبه أوشباك😉
الدهون العطريه الجامده بسلسال للرقبه🥳
فكرتها روعه بجد😍
وكانت موجوده بعصور الشعوب القديمه🤓
بس كانت عباره عن قلاده قطنيه عريضه نوعا ما📿يحشونها أعشاب عطريه مطبوخه بطريقة ما🍂🌸🎋💐🌿علشان تبقى ريحتهم وريحة أطفالهم حلوه على طول😶وطوروها لغاية ماوصلوا للشكل هذا😎وصار منه نوع للأطفال ونوع للنساء وضافوا لها مرايه وبرواز صوره
😶(هذي صور تقريبيه للفكره بس سابقا كان لونها أبيض وابسط من هالقلايد القماشيه
خصوصا بعض الباديه الشماليه
بس إنتم تخيلوها عقال أبيض وأخف من وزن العقال بمراحل طبعا بس كانت قلاده عطريه وكل ماسعبل الطفل تختلط بهالعطريات المطبوخه وتفوح بروايح جميله جدا)والسبب كان شح المياه والحياة والصابون والإستحمام والتنقل فتعتبر فكره ابداعيه مذهله بصراحه علشان تعينهم على كل هذا
وتوالت أشكالها للكبار على شكل مسبحه واسواره الخ 😎
واحرصي إنك تاخذين منها نوع واحد بجنطتج أوبوكج
وفيه منها موديلات وأنواع كثيره وعمليه
مثلا نوع بقلايد فتلبسينها عادي
وفيه منها اتعلق بالسياره وفيه منها للمفاتيح وفيه منها اتعلق بالجنطه
وهذي طريقة صنع العطور الدهنيه الجامده
وانتظروني في الجزء الرابع
ليست هناك تعليقات:
إرسال تعليق