بسم الله الرحمن الرحيم
ملف شامل كامل محفول مكفول لتعطير البيت وأركانه ركن ركن ودرقن درقن وعلى بركة الله نبدأ
1)حددي ميزانيه بسيطه بحدود 30 دينار شهريا لبخورات البيت ودهونه العطريه ومعطراته كالتالي:
-روحي للمحلات الكبرى والمشهوره واشتري منهم بخور أبو 1دينار ل4دنانير مواكثر من كل محل منهم (أبودينار اشتري منه 3 قواطي)
-ومن نفس المحلات اشتري 3دهون عطريه منوعه من أبودينارين
-واشتري منهم أومن العطار والجمعيه
معطر أرضيات مركز سعره 1دينار تصبين منه غطامع نص كوب مائ وتستعملين منشفه جديده وجافه وتمسحين الأرضيه على الناشف(مسح جاف)
بالإسبوع مرتين الأحد والخميس
(لأن كثرة الماي تخرب الأرضيه وتخليها تتفتت بشكل خفي فتجمع المائ بين خطوطها وبعدها تكمكم (تتعفن) واتصدر روايحها السيئه ك بخار على البطئ للبيت لشهور وشهور وكل ماغسلتي البلاط زدتي الـطين بله
لأنها محبوسه بالبلاط ولافيه هوا يجففها
فخلي المسح على الناشف وبمنشفه صغيره وجديده دايمالأن القديمه تنشر روايح الدهون والصابون والغبره وكل شي
وهذي معلومه عن معطر الأرضيات المركز والمخفف🥳
فالأثنين يبعدون النمل والحشرات عن الأرضيات وتحت الدواليب🦟
-1بخاخ معطرمركز للكنب والستاير ب1 دينار
-بجذي تكونين شريتي من أرقى المحلات وأفخمها
-بخوراتهم هذي روايحها رووعه بجد
-كميتها وفيره
-وكل يوم بخري بيتج بنوع غير اللي قبله
وشي لجنطتج وطلعاتج العائليه
وشي تزينين فيه صواني البخور مع شموع وورود مجففه ووزعي الصواني بأرجاء بيتج ومع كل آذان بخريه فتغرب الشياطين وتقرب الملايكه
-هالشي بيوفر عليج حيرة البحث عن بخورات البيت الرخيصه واليوميه
-ويخليج من أهل الجخ والنذخ والبذخ(تنذخ معناها تكشخ والنذخ هو الكشخه)والجخ يعني ربع القرنقش والماركات والمفاخر والهلي والبلي هههه فنقول نذاّخه جخاجه بذاخه ّ يعني فلانه تحب المفاخر ومكلفه نفسها واللي حواليها على الرغم من اعجابهم بطبيعتها هذي وهذي من كلمات الطيبين الأولين ودايما تقال في المدح وأحيانا تقال في النصح علشان الوحده تحط حد لمصروفتها وطموحها اللي يفوق عيشتها
أما البذخ
فهو إنك تلعبين بال30 دينار لعب
وتطشرينهم دينار ينطح دينار ولاهمج البعزقه ولاهمج التبذير ههه
وكل من دش بيتج مايشم الأ بخورات المحلات الكبرى ومايشوف الأ قراطيسهم ودهوناتهم فتكبرين بعيونهم وعيون نفسج وماتنحرجين من زوار الغفله ولامن مشترياتج وهذا بيزيد ثقتج بنفسج ونفس الشي بيونس عيالج ويخليهم واثقين
بنفوسهم ومعتزين بذوقج
مهما كان الراتب ضعيف ومهما كانت عليكم ديون
فالعبره بالفكره اللي تسعدج وتبهج أهل بيتج وتبهجج
وكل هذا ب29 دينار بس
ولما تخلصين من هالمحلات لاااا تنسين تمرين الحواي اللي هو العطار وتاخدين منه بربع دينار مره وربع دينار لبان وربع دينار جاوي أبيض وربع دينار مستكه
وهذا الدينارالأخير اللي بيكملج ال30 دينار هذي
واطحنيهم وحطيهم بعلبه مع كم قطرة دهن من هاللي شريتيهم ورجيه كل مامريتيه هذا استعمليه وقت الغروب وبس يعني مع آذان المغرب واقري عن فوايدهم أما ليش تبخرين فيهم مع الغروب لأنه وقت نزول الشياطين وهوشاتهم مع بعضهم فيدورون أي إناء أو آدمي ويختبؤون فيه عن بعضهم وهذي بداية التلبس والمس الشيطاني
وأما بخور ودهن العزايم والمواجيب والمواسم والأعياد فيكون أغلى ومميز جدا
ومن نفس هالمحلات
بس هذا تشترينه كل 3 أشهر مره
يعني مع كل بداية موسم بخور ودهونات عطريه خاصه للضيوف والعزايم واقفلي عليها بالترباس ومايتبخر فيها الأ هم وبس
البخور الصناعي🥳
عباره عن أخشاب يقطعونها مبريه ومشرشره وأشكال ثانيه كتيره😎
ويغطسونها بكميات من الزيوت العطريه والصبغات🍾🥡🧫🛢🔋ويحرقونها بأفران خاصه💫🔥💫علشان تاخذ لونها التجاري أياكان عسلي🐸غامق🐽 خشبي🐸لامع🐽مطفي إلخ🐸ونفس الشئ يسوونه علشان يوصلون للون الدخان التجاري أبيض رمادي أزرق إلخ🌫وبعدها يجربون ريحته التجاريه🌬ويصدرونه للعالم
تمام ,
وأسعاره جدا رخيصه فالكيلو منه بـ300 ويكفي سنه كامله وريحته حلوه جدا على اختلاف أنواعه ودخانه وسط🪔وبيستعمل للبيوت🪔والضيافات الخفيفه🪔والملابس🪔والدواليب🪔ولازم تبعدين البخور هذا عن الفحمه قبل لايوصل احتراقه ل100%💥يعني على 95% تخلصين منها علشان آخره عباره عن ريحة الحطب والخشب💥لأنه جذي جذي صناعي🤗يعني تتبخرين بزيوته اللي تحترق وتنتج روايح البخور هالجميله هذي وبسبب رخص أسعاره فهو طريقه للثراء السريع💷💴💶عن طريق بيعه على المحلات والبيوت والنت وأشهرهم البخور الصناعي الأندونيسي🤗
بخورات يوميه للبيت🌫بريحة الصابون🧴والنظافه🌬
لوتحبين روايح النظافه والصوابين في بيتك والدواليب والسلم والعماره كلها🥳فهذي بخورات غنيه بروايح النظافه والصوابين🌫🧴🧼🌫وسعرها رخيص ومتاح للكل😶من شركة أجمل🤠وهذي شركه مشهوره بعطورات وبخورات النظافه🪔ومن بانافع🤠وهذي شركه تنتج أنواع كتيره ومن ضمنهم بخورات النظافه🪔
وعطور الحرمين🤠وهذي شركه منتجاتها روعه بجد روايح بخوراتها ثلاثيه الريحه
🤔يعني أول ماتشمينها بخور عود🌫
وعلى النص تشمين صوابين فواحه🌫🧴🧼🌫
وآخر شي تشمين نفحات عطريه كإنها بودره🌬
وكل منتجاتها على اختلاف أنواعها فيها هالمزايا🪔وهالشركات الثلاثه بخوراتهم تثبت🤗في البيت والكنب والستاير🤗ولوحابه تثبتيهم اكثر🤔فـ رشي أي معطر أوأي كلونيا🍾🛢🔋كل مابخرتي منهم 🤗
طرق تبخير الملابس🪔
1)شماعة ملابس بمبخره⚖️وبديلها🤓إنك اتكومين الملابس على الشماعه👘👕⚖️🦺🥻وتحطين المبخره على قاعدة الشماعه🪔فتتبخر الملابس🐸
2)دولاب التبخير🗄وبديله إنك اتبخرين الدولاب ف اتبخر الملابس وتراقبيها لثواني
وتشيلينهاتفاديا للشرر والضرر لاسمح الله🗄🪔
3) تحطين المبخره تحت منشر الملابس ف اتبخر🐸
4)وطبعا طرق تبخير الملابس القديمه والحديثه😶كلها لها بدائل تأدي الغرض🤗
صندوق كامل مكمل🥳
لسفراتك🤗وكهدايا للعرايس والأعياد والمواسم🤗ولزياراتك اللي بالإسبوع والإسبوعين🤗
محتوياته🧐بخورات🙄على عطورات🙄وفحم🙄ولايتر🙄ومبخروملقاط ودهن عطري وبخاخ جيب ومعطر ملابس🙄بلس تقدرين تستغلين الجنطه لنفس الغرض بعد ماتخلص الأشياء اللي فيها🤔بلس إنها تزين مرايتك وتنفع هديه للكبار🤔فتكون الجنطه كامله والكامل الله🤗وبجذي ماراح تحتارين ولاتنسين شي منهم
وتنفع للذهب ولأشياء كثيره🤗
تلاقينها بمحلات البخور🤗
ويسمونها بشكل عام🎁صندوق الهدايا🎁
وكل موديل منهم له اسمه الخاص علشان لوتلفنتيهم☎️يعرفون اللي انتي تقصديه على طول🤗السعرمناسب للكل بشكل بطل🤗
احتفظي بعلب البخور الحلوه والفاخره والمميزه عندك🥳
ولما تخلص لاتحذفينها نهائي🪔
وحطيها بصينية البخورات
واستعمليها لبخوراتك الباقيه واللي علبهم عاديه يعني🤗
سواء اللي تشتريها بنايلونات🙄
أوبكرتونه🙄أواللي بعلب عاديه وموحلوه🙄
فيه محلات تبيع البخور بقناني مشابهه هذي🥳
*فلو اشتريتي بخور بنايلون
-فاحفظيه بالقناني الزايده عندك🍾
-وضبطي لها ديكور من أي قماش أوأي خيشه🤗أوأورقنزا يخلي شكلها حلو ومميز🛢🤗🔋
لما تشترين بخور الكور الزيتي هذا معناه:
إنه فيه زيوت عطريه كتيره ومتعوب عليه بجد🥳
1)فحافظي عليه من الهوا وحطيه بنايلون أوقصدير بعلبه معدن أوقزاز
وتكون محكمة الإغلاق لأن زيوته تتبخر بسرعه وينشف فتخترب ريحته
اللي كانت عاجبتك
2)اكسري فتفوته منه للفحم مو تحرقين الكوره كلها لا طبعا
لأن الكوره الوحده تكفي 4 أيام واكتر🤗
3)لوفرضنا إنه نشف ففتتيه ورجي علبته علشان الزيت اللي فيه يختلط بالناشف منه🤗
4)كل ماكانت الكور لماعه فمعناها إنه بخيره وجديد جدا
وبيعطي كمية بخور ودخان أكثر وهذا هو الأحسن🤗
5)صوري البخور واسمه ورقمهم وكل شي تشتريه نفس الشي
علشان لونسيتي اسمه ومحله فالصور تذكرج🤗
ليش المحلات الراقيه والذويقه للبخور
تحط ملقاط أوقفشه اللي هي الملعقه أوالخاشوقه,مع كل علبة بخور؟🤔
1)علشان البخور
مايوصخ إيدج ويوصخ أظافرج
لأن تنظيفه صعب🤗
2)علشان تحدد لك كمية الاستخدام بكمية ملعقته الصُغيره
فيكفيك اكبر مده ممكنه🤗
3)وعلشان تستفيدين من الملعقه والملقاط لباقي بخوراتك🤗
4)وعلشان تحطيهابصينية البخور فتستفيدين منها لبخوراتك برضو🥳
كان ياماكان🙄
لما زارتنا جاره من الجيران🥳
كانت تقول إن عندها برطمان🏮
*لتعتيق البخور الخلصان🙄
-فكل مابقى فتفوتة بخور من علب البخور🙄
-أوملّت منها تجمعها لشهور وتضيف عليها بنفس الطريقه🙄
-وترجها وتقلبها وكل مامرتها رجتها تاني وهكذا فتختلط البخورات بدهونها🙄
-وإذا احتاجت منهاللبيت والدواليب🤔
*فتبدأ تستعملها وتبخر منها🪔
*والنتيجه خيال ووهم بجد ريحه ولاأحلى🌬
*فحاولوا تطبقون الفكره المجانيه هذي قبل لاتصير الأفكار بفلوس🤗
انتهى الجزء الأول
وانتظروني في الجزء الثاني,
ليست هناك تعليقات:
إرسال تعليق