بسم الله الرحمن الرحيم
من أكبر الغلطات انك تنسى تبني سرداب
وسواء كنت محتاجه أو ماانت محتاجه
فضروري ولازم تبنيه
لأنه بينفعك مستقبلا في الآتي
كمخزن للآثاث
كدور زياده لوحبيت تبني غرف وصالات ومطبخ وامور كثيره أكيد
بَخَاّرْ
لازم تبني محل أوبخار على قولتهم
علشان تستفيد من تأجيره :
كبقاله أومخبز أوجزار أوحواج أوخياط أومطعم شباك الخ
وهكذا كل واحد من جيرانكم يبني له محل نوع
وبجذي تكونون خدمتوا نفسكم بنفسكم
ووفرتوا لبيتوكم أهم الاحتياجات من بقالات ومحلات
وهالشي بتظهر أهميته لو السايق مسافر وانت مشغول
والهايبرات بعيده فهالمحلات الصغيره تأدي الغرض حتى لوكانت متر بمتر
وبالمره مفيده ماديا لأن التزاماتك الماديه تزيد يوم عن يوم
السلم المتحرك بديل للأسنسير
طبعا فيه ناس كثير تخاف من الأسنسيرات
ويخافون على أطفالهم منها
وحوادثها كثيره والعياذ بالله
والسلم الثابت مع التقدم بالعمر يصير صعب على الكبار
والحل الوسط
هو دمج السلم الثابت بالسلم المتحرك
فيكون السلم
جزء ثابت وجزء متحرك
والله احتجتوا المتحرك فهو موجود
ولو بغيتوا السلم الثابت فهو ايضا موجود
وانت وذوقك ومهندسك وذوقه وابداعه
بابتكار أشكال السلم المدمج
وانا أفضل وجود سلم متحرك حتى بالعماير السكنيه كبديل للأسنسير
وهذا أحسن للسكان وظروفهم وأعمارهم
فحاول تنتبه لهالنقطه واتأكد عليها وقت البناء
وايضا الغاء الأسنسير بيوفر لك مساحات في كل الطوابق
وترتاح من صيانته وعبايله
ايضا لاتنسون تضيفون الزحليقه للدرج خخ
منها أمان عن الحرايق والماس الكهربائي
ومنها أسهل للكبار وللمرضى فيكون نزولهم اسرع
وأسهل لتنزيل الشنط والكراتين والغسيل وكل شي
ومنها الفكره مرحه ومسليه للكل صغار وكبار
خصوصا ان الكبار والنساء يخجلون من اللعب في الحدايق
فهذي فكره فيها كل المرح والإفاده
وانت أساسا تبني بيتك على إنه جنتكم بالدنيا
فحاول تطبق فيه كل فكره حلوه وكل فكره مفيده ومميزه ومرحه
خدامات بيتك
أول نقطه لازم يكون عندهم مؤهل جانبي
ياخياطه ياكوافيره ياممرضه الخ
وهالشي يحدده بيتك وسكانه وظروفهم
ونفرض ان زوجتك وبناتك 10
ويوميا معزومات على حفلات وقاعات
وكل وحده لازمها صالون وتعديل فستان
الحسبه الصالونيه كالآتي :
بالصالون كل وحده لازمها 50 د *10= 500 دينار يوميا * 7 أيام =3500 وبالشهر اكثر واكثر
لكــــن
لو خدامتك معاها شهاده جانبيه وتعرف لشغل الصالونات
فمعناها بتجهزهم ببلاش😜
وعلى معاشها وبس
ولو عطيتوها وقت السفر مبلغ محرز
من باب الشكر والعرفان وتبرئة الذمه فممتاز
ونفس الشي الخياطه والممرضه
فتكون فلوسك اللي دفعتها للمكتب ولمعاشها بمكانها الصح
وبالمره لوسافرتوا لقرايبكم
والصالونات زحمه أو بعيده عنهم فتكون معاكم وتنجز
أهم شي لاتجيب خدامات أميااااااااات ووحدتهم لاتقرا ولاتكتب
وتقزرون وقتكم تدرسونها سنتين وأول مااتعلم تكون اقامتها اخلصت!!!!😜!!!!
لأن هالنوع تضييع وقت الصراحه
ومابيبقى غساله ولاميكرويف ولا شي عليه القيمه الأ وبينكسر بسبب جهلها
فقبل لاتقدم عليهم
شوف احتياجات بيتك وأهلك وادرسها بهالطريقه
قطاوة الشارع الجميلات
طبعا المفروض يكون لهم ملجأ بكل قطعه
لكن طالما هالشي موموجود
فاشتر لهم صندوق أو بيت خشبي أومعدني وشكله حلو جدام البيت
عن الحر والبرد
ونفس الشي جيرانكم يشترون هالصناديق
بجذي
القطاوه ماراح تنخش بتواير السياره وتنهرس وتندعس
ولاراح تدش أحواشكم وصالاتكم ودرايشكم وتوسخها
فمنها تكون رحمتها
ومنها تكون خلصت من هالإمور
الزرع الخارجي اللي بمقدمة البيت
احرص انه يكون مفيد لك ولجيرانكم
وللقطاوه والطيور موبس يكون زينه وخلاص
لاااااااا
فاختر النباتات اللي تبعد الحشرات والبعوض والزواحف
أو تكون نباتات مثمره
يستفيد منها أي أحد يمر سواء
عيال جيرانكم أو العمال أو الطيور الخ
أو
ادمج الافاده* بالزينه
فيكون جزء للزينه وجزء للفايده
تم بحمد الله
ليست هناك تعليقات:
إرسال تعليق