بسم الله الرحمن الرحيم
السالفه ومافيها
عن الزيجات اللي اتغاظى عن كل ماأقره الشرع من بيت واستقلاليه وترك بيت أهل الزوج لهم ولحياتهم
وهذا الطبيعي عند الناس الصح والناس الراقيه
لكن
لما الزوج يتغاظى والزوجه اتغاضى ويزاحمون أهل الزوج بمطامعهم ومكرهم الغبي طبعا
لأن الزوجه على بالها
انها بتورث بيت أهله
اذا طولت بالقعده عندهم أوغسلت حوشهم هههههه
وهو يعشمها بهالشي لسنين ويجذبون على بعض ويعيشون عيشة نفاق
علشان الزوج يتكسب من بدل الايجار لسنين ويخادع وياكل من هالحرام هو وهي وعيالهم
وهي تنفش ريشها على أهله وكأنها بلقيس زمانها بسبة هالعشم المزور
والنتيجه
انها تزعج أهل الزوج بأطباعها وغبائها وتمشكل معاهم علشان تطلعهم من بيتهم هذا تفكيرهم
وللأسف هذا الحاصل ببيوت كثيره
والكل شايف وساكت
فالمفترض من كل مأذون
يعطي الطرفين كتيب ويقرونه قبل عقد القران بدقايق وهالكتيب يشرح لهم كل هذا ومالهم وماعليهم علشان يختفي الغل والحقد والطمع اللي على غير سنع
لأن الحياه أبسط وأجمل من ان الواحد يضيعها بهالغباءات
ثانيا
اذا توفى الأب المفروض تباع كل أملاكه وعقاراته وتوزع على الورثه نقدا وعدا
مو يتركون الامور عايمه وزوجات الأب يسكنون فيه وحريم الاخوان يسكنون فيه وأزواج الخوات يسكنون فيه
وكل من جا يظن انه المالك الشرعي لهالعقار ويامر وينهي ويهد ويبني !!!!
بس لأن له حصه فيه
وبالتالي بيصير هالبيت فندق للرايح والجاي
من الآخر:
امنعوا زوجات الأب وزوجات الإخوان وأزواج الخوات من السكن ببيت الورثه
وبيعوه اجباريا وعطوا كل واحد نصيبه وخلاص
لأن تركه بحجة السكن كان فرصه للغش والتدليس والكذب والجور والحقد وكل واحد يتحكم بمصير الثاني ومشاكل توصل للسحر والقتل وو ووووووو
تم بحمد الله
ليست هناك تعليقات:
إرسال تعليق