بسم الله الرحمن الرحيم
الجزء الثامن
37) الواجهات
1)اختر واجهه مميزه جدا
2)حاول تكون منوعه مابين حجر وزجاج وبلكوونات والرخام الخ
واهتم بالزراعة لأنها تزيد جمال الواجهه
3)ابعد عن الواجهات الساده والصامته
واللي مافيها أي ملامح ولاأي معالم فنيه ولاأي جماليه
4)اختر الوان مميزه جدا
واستعن بمهندسات الديكور والمخرجين التلفزيونيين لأن عندهم رؤيه فنيه راااقيه
وذوقهم قمه وخيااااااااااااال وروعه
5)كل 3 سنوات غير لون واجهتك ولون بيتك وطالما انه بيت العمر فغير فيه كل فتره
-علشان تحس بالتجديد باستمرار
-وهذي ميزه تعبر عن الغنى والثراء والمود الصح والسعاده المنزليه والترف وحب المواكبه
-ابعد عن اللون البيج لانه الاكثر على الاطلاق في الخليج والشرق الاوسط
وطبعا
لوووووون الأرضيه المميز يلعب دور في جمال الواجهه وحلاوتها وتميزها
البيوت المريضه
هي البيوت اللي من غير نوافذ وزجاج
-وطبعا هالبيوت كئيبه
-وذوقها مريض
- وتعبر عن أنفس مريضه نفسيا وتمرض اللي حواليها
-وطبعا هالبيوت لاتصلح للسكن البشري بحال من الأحوال
-فالانسان يحتاج هواء متجدد ونقي وشمس
-وكذلك الدماغ يحتاج لأكسجين متجدد
-وطبعا البيوت المريضه وهذي تسميه مجازيه لاترى المطر ولاتعرف فصوله
-وتعتبر بيوت عكـ* الفطره
-وموحشه جداااا فلاتصممون هالتصاميم المغلقه والكئيبه
-وفي الغالب تعبر عن نفوس مستبداه
38) من بداية مايبدأ البناء
-دوّن مذكراتك ورقيا بكشاكيل والكترونيا بالتفصيل ويوميا
(وبعدها تقدر تنزل كتاب ورقي أو الكتروني)
واكتب أسامي الشركات اللي تمرها أوتشتري منها
وبالمره يكون معاك دفتر حسابات لكل شي تشتريه وتقترضه لبيت العمر
-ويفضل انك تدون مدونتك الكترونيا على قوقل وتنزل الصور بالتفصيل
-وتحتفظ بأرقام وعناوين الشركات والمهندسين والمقاولين لأنك بتحتاج لهم حتى بعد انتهاء البناء بسنولت
-وتكون وقتها نسيت عناوينهم وأرقامهم
-صور واجهات الشركااااااات لتتذكرها لوضاعت ارقامهم
-سواء شركات سيراميك وأرضيات وسقوف وديكور وأجهزه ونوافذ كل شس كل شي
-ذلك سيساعدك الناس على تخطي الأخطاء البنائيه والديكوريه والماليه
-خصوصا اننا نفتقد للمدونين في مجالات البناء والهندسه والأسعار
-و هالشي بيساعدك لواحتجت وظيفه اشرافيه على المباني التي تبنى في مدينتك
-ويساعدك على احتراف المقاولات واسرارها لوكنت تتمنى تملك شركة مقاولات في يوم ما
-حط لك قناة على اليوتيوب وصور يوميات بناء بيتك بالتفصيل
الأسقف العاليه
مووحلوه
-وهدر للمساحات
-وهدر للمواد البنائيه
-وهدر للفلوس
-ولاتصلح للبيوت ولكنها تصلح لقاعات الأفراح وماشابه
-وصعب تصليح اضاءتها فتحتاج عمال
-موحشه جدا ومرعبه جدا ولاتحسس بالأمان
فحاول الاكتفاء بالأسقف المعتاده والاهتمام بالوانها وديكوراتها :
-لأنها رائعه
-شكلها يعطي البيت دفئ أسري
-سهل تنظيها وتصليح اضاءتها
-بصراحه هي الكشخه وبس
السطر قبل الأخير :
استعن بالتصاميم والموبيليا الدمياطيه المذهبه
لأنها تضفي على البيت لمسات ملكيه فاخره ولاتمل أبدا
والحين ابشركم باكتمال أجزاء الموضوع
والله يجعله منزلن مباركـ
تم بحمد الله
مع تحياتي
ليست هناك تعليقات:
إرسال تعليق