بسم الله الرحمن الرحيم
الجزء السادس
32) الأرضيات:
- للصالات
-والأجنحه
-والممرات
- والعتبات الداخليه والخارجيه
-والسلالم واستراحة السلم
-والحديقه
- ومقدمة البيت
-والسطح
-والأحواش
-والملحق
-والحمامات
- والمخازن
-وغرفة الغسيل
-والمطابخ
-والبلكونات
-والمجالس
-والدواوين
-والمقلط
-والسرداب
قلتها كلها لأن لكل منها نوع يناسبه والوان تناسبه
أما لو طقمتيهم كلهم بلون واحد وكئيب ونوعية بلاط واحد فهذا مدعاه للملل
وراح يضيع جمالية المفروشات والسجاد والديكورات ككل
*فحاولي تنوعين علشان يكون لكل مكان حلاوته واجواءه وكل جهه فيه تنبض بالحياه
ابعدي عن الكاشي لأنه موووووووحلوووووو
ابعدي عن البلاط المطفي لأنه كئيب حيل
ابعدي عن الأرضيات البيج المطفي بعد مووووووووحلوه
وابعدي عن اللون الرمادي والألوان الكئيبه والألوان غير المتناسقه
لكل بلاط اسم
فلا تكتفين بكتالوج واحد أو شركه وحده
فيه شركات ذوقهم موووووحلووووووووووو
فابحثي عن شركات ثانيه وثالثه وبمواقع الشركات العربيه والأجنبيه
علشان تذوقين برواقه مو تنجبرين على ذوقهم المحدود
31) الديكور والوانه
-حاولي تبعدين عن ألوان الكآبه
والألوان الباهته والمريضه
والألوان اللي يعشقها ويسكنها الشيطان والعياذ بالله
واللي لازم لها اضاءه عاليه وكثيره جدا
وهذا هدر للكهرباء والفواتير
وعموما كل شي راح تدفعين فواتيره مستقبلا
لذلك راعي هالنقطه بالبنيان والديكور وكل شي
ولكن
اختاري الوان حيه تنبض بالحياه والصحه النفسيه
هالشي له دور بالمحافظه على الصحه والأعصاب عن الإكتئاب وحب الحياه والتفاؤل
والأمزجه والسعاده والرضا
-لوشفتي منظر ديكوري حلو بفندق -بصالون بمقهى
بموقع بمول الخ وحابه اتطبقينه ببيتك وغرفك وصالاتك الخ
فاتبعي الآتي
1) بداية اسالي عن ديكورهم والشركه المنفذه وأرقامها وعنوانها وتلفونات المكان اللي جيتيه قبل لاتغادرين هالمكان
لأنك لو ماسألتي بتضيعين على نفسك هالفرصه فاقتنصيها
2) استأذني منهم وصوري هالمنظر بتفاصيله ومن كل الجهات
3)اساليهم عن المواد المستعمله واساميها لأنها سر أسرار جمالية هالمنظر
4) طبقي المنظر بحذافيره من أرضيه سقف جدران شكل الاضاءه الألوان والتوزيع الديكوري لكل قطعه وموقعها
5) هالطريقه بتضمن لك تطابق المنظر مع اللي عجبك بنسبة مليون بالميه
أما لوعجبك كنب مثلا وشريتيه وماطلع المنظر نفس اللي شفتيه؟؟!!
فتأكدي انه اكتسب جماله من كل الامور هذي لذلك طبقي المنظر بحذافيره
6) المختصر عطي المكاتب الصوره وقولي طبقولي هالمنظر بكل تفاصيله
7) لوعاجبتك الغرف الفندقيه وسرايرها ومفارشهم
فاسالي الفندق نفسه عن الشركه اللي شرووا وصمموا منها لان مقاسات مفارش الفنادق
مصممه بحسب حجم غرفهم وحجم سرايرهم لأن السايزات لها دور باعطاء جماليه للمنظر أو العكـ*
مثل اللي تشتري ثوب موقياسها فبيظهر شكلها غلط ومومرتب
لذلك المقاسات سر أسرار نجاح الهندسه والديكور والأزياء وكل شي بالكون
8) استعيني بمهندسي اضاءه قبل تركيب أي اضاءه للبيت وعندك مهندسين المسلسلات
ذوقهم روعه فاستعين فيهم
كذلك المخرجين عندهم رؤيه فنيه وخيال جبار تبارك الله فلو امكن الاستعانه فيهم ليش لا؟
9) كل شي يعجبك من سجاد ومفروشات واقمشه وحركات ديكوريه
اسالي بدءا عن اسمه لأنه هو اللي بيوصلك له بباقي المحلات والمواقع
ف/لو شفتي اعلان تصميم سقف فندقي عليهم واسألي عن اسم هالسقف
لأنه أوقات يكون من ابتكارهم
وهم من اطلق عليه هالاسم لأجل الانتشار وسهولة طلبه منهم ومن فروعهم وشركاهم
33)اشتر لبيتك الاشياء اللي تسهل انجاز الأعمال المنزليه
مثلا:
- عربة جمعيه لنقل المشتريات من سيارتك للمطبخ وتنقل أغراض الكشته من المخزن للسياره
-وتشيلون فيها أغراض من اقرب بقاله
-عجلة غازات
-تقدر تبني اصنصير من البدايه ان لزم الأمر
-عربة أطفال للطلعات
-عربة تقديم ومشروبات
-عربة مياه و رز وطحين وسجاد وأي خشبيات خفيفه
-وطبعا انسب مكان لحفظهم وتخزينهم يكون ورى المطبخ مع البراد والغازات
لسهوولة الوصول لهن بأي وقت
أما لو خزنتهم بمخزن السطح فيكون الوصول لهن واعادتهن شي مرهق طبعا
وانتظروا الجزء السابع
بحول الله وقوته
على مدونتي حريم الجخ
ليست هناك تعليقات:
إرسال تعليق