بسم الله الرحمن الرحيم
الجزء الرابع
27) غرفة الغسيل وتوابعها ومواصفاتها وشروطها
-----------------------------
1)لازم تكون كبيره جدا لتكفي لغسيل السجاد والبطاطين
بدلامن غسيلهم بالحوش وتغريق الشارع بالماء
والمنظر موحلو قدام الضيوف والزوار
2)غرف الخدامات وحمامهم بجانب غرفة الغسيل والتجفيف والكوي وكلهم بالسطح طبعا
3)البالوعه تكون تحت الغساله وشكلها خفي
4) ضرووووري جدا يكون لغرفة الغسيل باب يطل على الهواء الطلق للتجفيف الطبيعي والشمسي والأ الغسيل بيتخمر ويكمكم وتصير ريحتهم عفونه ورطوبه
وايضا
-كي لاتضطروا لنشر الملابس بهالطريقه البشعه
-لأن وزن الملابس والبطانيات بالغسيل اكبر من وزنهم قبل الغسيل
-لذلك ستؤثر على الأبواب وتؤثر على أبواب الدواليب وتكسرهم!!!! وهذي مخاسير لانك بتضطر للتصليح وشراء دواليب من جديد!
اضغط الصوره لقراءة المكتوب
5) -ممنوع منعا باتا وضع السخانات بغرف الغسيل والحمامات والمطابخ
-وممنوع اساسا وضعها داخل البيت لأنها خطرر
-ومنظرها بشع بالحمامات والمطابخ وبغرف الغسيل
(غساله بكوايه بدولاب)
آخر ماتوصلت اليه الابتكارات واحسنها على الاطلاق
(غساله بكوايه بدولاب)
6) تختار أماكن وأحجام وأنواع الغسالات والمجفف والكوايه والدواليب أولا
علشان يضبطون تمديداتها المائيه والكهربائيه وحنفياتها بشكل صح وآمن
وبشروط الأمن والسلامه العالميه اثناء وقت البناء (وركزا على هالنقطه بكل شي)
علشان لاتحتاج تكسر بعدين
لأن الغساله لازمها حنفيه للماء وبالوعه خفيه لتسريب المياه وكهرباء
وايضا يضبطون مكان النشروالكوي كذلك ورفوفه كله وقت البناء
لأن (المطبخ والحمام وغرفة الغسيل ديكوراتها بنائيه أي مع البناء ومن صميمه)
علشان لاتحتاج اتكسر واتخسر بعدين
وعلشان لاتضطر لهــ الطرق البشعه والغلط والغير آمنه اطلاقا واللي تشوه بيتك وتشوه غرفة الغسيل
28) التكييف تحديدا الوحدات السبلت !
مزاياها وعيوبها :
-هي شكلا موحلوه نهائي
لكن بعضها تكون بألوان وتساعدك ديكوريا الى حد ما
-فيه منها نوعيات مثل جنرال واللي انصحكم فيها دوناا عن كل الماركات
وهي اساسا تخزن روائح المكان عند اغلاقها وتعيد نشرها بالمكان بعد التشغيل مباشره
-لأن
(لها ذاكره شميه نفس الكلاب أكرمكم الله)
-وحتى بدعاياتهم الصامته تلاحظين ورد ينتشر ويفوح وكأنهم يشمونه
فهم يقصدون هالنقطه تحديدا
فلو البخور هو آخر رائحه شمتها فبعد التشغيل
بتشمين هالبخور وكأنك توك مبخره المكان
فاستفيدي منها بهالطريقه
وانتبهي من الروايح السيئه الحلبه وماشابه لانها بتحفظها وتنشرها
ويعرفون أسرارك ههههههههه
-تنفع للتبريد صيفا والتدفئه شتاء لو غيرتي الدرجة بالريموت
وهالميزه ايضا موجوده بالتكييف المركزي
فماتحتاجون لشراءدفايات بالشتاء
-تسحب روائح المكان طوال مدة التشغيل فهي بديله للنافذه وقت التشغيل وتخلص البيت من الرايح السيئه فهي شبه منقي للهواء
-فيها ريموت يثبت بالجدار واختاري مكان خفي لتثبيه بالجدارعن عبث الأطفال وعلشان لايضيع نهائي
------------------------------------
------------------------------------
-الماركات اللي هه وهه واللي مش ولابد لاتشترينهااااااااااااااا نهائيه
لان اشهر أعطالها تنزل مياه للغرف والصالات يشبه السيول هههههههه
وهكذا كل ماشغلتيها وهذا بيخرب الأثاث والديكور والجدران والأرضيات
- ترك النوافذ مشرعه طوال مدة التشغيل يأثر عليها سلبا ويعجل خراباتها وبسببها بتنزل مياه
-صيانتها ترللي هههههه يعني مهما جبتي واستقطبتي خبراء ومصلحين ماينفع الأ انك اتخلصين منها وتشترين جديده
هالكلام كله عن الماركات الرديئه طبعا
------------------------------------
------------------------------------
-ابعدي عن الأسعار اللي من 100 دينار كويتي وأقل لأنها عروضات لماركات رديئه جدا
-اختاري لها مكان خفي علشان لاتشوه منظر الديكورات والبيت
-خبري مهندسك عن نوعية المكيفات اللي تبينها وحجمهاواختاري مكان كل مكيف
لأن السبلت تحتاج لها توصيلات شبه خفيه بالجدران بناء على المكان اللي تختارينه
وفواتير التكييف تعتمد على أحجامها أساسا
-لذلك اختاري الجدار و ارتفاع التكييف عن الأرض ربع متر اكثر أقل انتي وخطتك الديكوريه
-هالشي بيساعدك بدال التكسير والتركيب وتشويه المنظر الداخلي والخارجي لاحقا
-طبعا الاسبلت تكون جزئين جزء داخلي وجزء خارجي وهالجزء شكله يشوه الحدايق والأحواش
والجدران الخارجيه
-التبريد يحدده الدرجه اللي اخترتيها بالريموت
-الصوت يكاد لايسمع بامتياز وبالمره يقلل الضوضاء الخارجيه من البيت والشارع والجيران بامتياز
فهو يشتت هالأصوات خارج البيت واتلاشى بامتياز فتحصلين على الهدوء اللي تطمحين لك
- لكل بلد نوعيات تكييف وأجهزه كهربائيه وسيارات وصناعات تناسب مناخه وطبيعة أراضيه
ففيه سلع مصممه خصيصا للشرق الأوسط وسلع للهند وسلع للواق واق
فلو طلبتي شي من برا فاهتمي بهالنقطه
-لو مااعجبتك بعيوبها ومزاياها
فابحثي عن البدائل كالتكييف العادي و المركزي الخ وأنواعه وأشكاله وخبري المهندس بالنوع اللي اخترتيه
المهم
1)ابعدي عن الموديلات اللي تشوه بيتك من الداخل والخارج
2) وابعدي عن الماركات الرديئه والخطره واللي كلها مخاسير على الفاضي
يمكن اخفاء التكييف بالجهه العلويه للنافذه اللي مصممه بهالموديل
ويمكن اخفاء التكييف بدبكور التلفزيون وكله يعتمد على ذكاء المهندس والديكور وذوقك وذوقه
يمكن اخفاء التكييف برخامة النافذه من الداخل
3)- جماليا وديكوريا وبناءيااا فحاولي وضع التتتكييف ايا كان نوعه بشكل خفي من داخل البيت وخارجه ومن البداايه:
-كي لايشوه منزلك من الداخل والخارج
-وعلشان تبين ديكورات البيت بجمالها وروعتها وفخامتها
-وعلشان يصل البراد والتدفئه بشكل سري وخفي ومذهل لضيوفكم ولكم
وهالفكره جدا فخمه وراقيه وجدييييييييده وبقراطيسها ههههه
-واحفظوا اسامي شركاتها وعمالكم وأرقامهم لأن مستقبلا لواستعنتوا بعمال الشارع بيشوهون كل هذا ويضيعون تعبكم هذا كله
وصوروا يافطات الشركات من باب الاحتياط ايضاا
وهالنظريه طبقوها على كل شي ببيوتكم من بناء ديكور كهربائيات وتمديدات الخ الخ
-كفكره ديكوريه اساليهم هل يؤثر عليها تلوينها وتطقيمها مع جدرانها بصبغ أو ورق جدران
الموقع الصح للتكييف :
1) لازم يكون قريب لكم وتحت الشباك
فيبعد عن الشمس والحر المتواصل
2)وهذا أوفر للكهربا والفواتير وللتبريد الأسرع
3)لأن الهوا الساخن بيكون بالأسفل أساسا
4) أما لو التكييف عالي جدا كالمعتاد
فلازم له وقت على بال مايبّرد الجدران والشبابيك والأثاث والخشبيات
-بعدها يبرد مساحة الغرفه
-وبعدها البراد يبدأ يوصلكم
-وهذا هدر للكهربا والتبريد
والغلطات هذي هي سبب الفواتير العاليه بالصيف
وانتظروا الجزء الخامس بحول الله وقوته
على مدونتي حريم الجخ
ليست هناك تعليقات:
إرسال تعليق